Gikataho sa mga kabomberohan nga tulo ka trabahante ang namatay ug duha ang nagpabiling namissing human ang usa ka planta sa kuryente nga Ulsan Power sa Korea East-West Power sa habagatan-sidlakang sa Ulsan nahugno, pasado alas 2:00 sa hapon niadtong Huwebes, Nobyembre 6, 2025.
Base usab sa report sa National Fire Agency nga duha ka mga indibidwal ang na-rescue, samtang pito pa usab ka mga tawo ang natanggong sa maong planta ug padayun pa ang pagpahigayon sa rescue operations.
Matod pa ni Punong Ministro sa South Korea nga si Kim Min-seok nahitabo ang insidente atol sa pagpangandam sa pagguba sa thermal power plant nga wala na magamit. Dugang pa niya nga human sa maong panghitabo, gipabakwit ang mga residente gikan sa lugar.
Gimandoan usab niini ang tanang ministri nga ipalihok ang tanan nga magamit nga mga kawani ug kagamitan aron sa daling tabang ngadto sa mga natrapped sa maong planta.
