PPG LIVELIHOOD KITS NADAWAT SA LIMA KA MGA MICRO ENTERPRISE SA MGA LUNGSOD SA ZAMBOANGA DEL SUR

Gitunol sa Department of Trade and Industry Zamboanga del Sur ang mga Pangkabuhayan sa Pagbangon at Ginhawa (PPG) Livelihood kits, ngadto sa lima ka micro enterprise nga naapektuhan sa kalamidad sa Kumalarang, Tigbao, ug Lapuyan.

Ang distribusyon gipangunahan ni DTI Zamboanga del Sur Provincial Director Marlon Alabata, DTI staff, sa kolaborasyon sa LGU Kumalarang Officials sa pagpanguna sa Mayor. Ang Pangkabuhayan sa Pagbangon at Ginhawa (PPG) Program, usa ka livelihood seeding and entrepreneurship development, nga inisyatibo sa DTI nga nagsuporta sa mga micro-enterprises nga naapektuhan sa sunog, baha, ug hulaw.

Naghatag usab kini ug tabang alang sa mga pamilya nga anaa sa geographically isolated and disadvantaged areas (GIDAs) ug ubang mga vulnerable sectors. Matag benepisyaryo nakadawat ug livelihood kit nga nagkantidad ug ₱27,500.00, nga naglakip sa mga construction supplies package o sari-sari store package,e nga gidesinyo aron masuportahan ang mga negosyo.