Nagbangotan ang Philippine Air Force kon (PAF) sa pagkawala sa unom sa mga miyembro human nahagsa ang Huey chopper samtang nagpahigayon og humanitarian and disaster response mission sa Agusan del Sur niadtong Nobyembre 4, 2025, human sa paghapak sa Bagyong Tino.
Giila ang mga namatay nga sila si: Pilot captain Paulie B. Dumagan ug 2Lt. Royce Louis G. Camigla ug mga tripulante nga si Sgt. Yves B. Sijub, Sgt. John Christopher C. Golfo, A1C Ericson R. Merico, ug A1C Ameer Khaidar T. Apion.
Ang PAF nagpaabot sa ilang kinasingkasing nga pahasubo sa mga pamilya ug mga minahal sa kinabuhi sa namatay.
Matod pa sa pamahayag, magpabiling buhi ang handumanan sa ilang kabayanihan, dedikasyon, ug matinud-anong pagserbisyo sa nasud.
Gihatagan og gibug-aton sa PAF nga ang ilang sakripisyo magsilbi nga inspirasyon sa umaabot nga henerasyon sa mga airman nga magpadayon sa pagserbisyo nga may kaisog ug dungog alang sa katawhan.
Photo Courtesy to:Philippine Air Force
