Gipakatap ang mga sundalo sa Northern Japan aron dakpon ug pugngan ang pagsamok sa mga oso, human matala ang kapin sa 100 ka kaso sa pag-atake sukad Abril, nga miresulta sa 12 ka patay nga pinakataas nga ihap sa mga kaso sa kasaysayan sa maong nasud.
Sumala sa report, ang mga oso nangita og pagkaon gikan sa mga kabukiran padulong sa mga komunidad, tungod sa kakuwang sa ilang natural nga tinubdan sa pagkaon. Tungod niini, daghang residente ang nabiktima samtang naningkamot nga makalingkawas o makabalik sa ilang mga balay.
Gani, ang lokal nga panggamahanan mitabang sa Japan Self-Defense Forces (JSDF) sa pagpangbutang og mga lit-ag ug pagpahigayon og operasyon aron mapugngan ang dugang pang mga insidente. Gipasabot usab sa mga otoridad nga padayon ang ilang kampanya sa pagpahimangno sa publiko aron malikayan ang peligro.
Gidasig karon ang mga residente sa mga lugar nga duol sa kabukiran nga magpabilin nga alerto ug likayan ang paggikan sa balay sa sayong kabuntagon o gabii, panahon nga kasagaran molihok ang mga oso.
Photo Courtesy to:Denver Gazette
