Determinado si Presidente Claudia Sheinbaum nga mopasaka og kaso batok sa usa ka lalaki nga miduol ug nanghilabot kaniya samtang naghatag siya og pakigpulong sa National Palace sa Mexico.
Sumala sa mga taho, samtang naa siya sa tunga-tunga sa iyang pakigpulong, kalit nga miduol ang lalaki gikan sa likod, misulay sa paghalok kaniya sa liog, ug gibutang ang iyang kamot sa lawas sa presidente. Diha-diha dayon nga mipataliwala ang security personnel ni Sheinbaum ug gidakop ang suspek.
Sa usa ka pahayag human sa insidente, giingon sa presidente nga ang pagsang-at og kaso batok sa lalaki kabahin sa iyang baruganan batok sa bisan unsang porma sa pag-abuso o pagpanghilabot sa mga babaye. Dugang pa niya, gusto niyang mahimong ehemplo sa tanan nga babaye nga kinahanglan silang respetuhon ug protektahan bisan unsa pa ang ilang sosyal nga kahimtang.
Ang mga awtoridad nagpadayon sa pag-imbestiga sa insidente, ug anaa karon ang suspek sa kustodiya samtang gisang-at ang pormal nga kaso batok kaniya.
via: BRITANNICA
