Gipildi sa Orlando Magic ang Washington Wizards human midaog og 125-94 niadtong Sabado didto sa Washington.
Gipangulohan ni Paolo Banchero ang kadaugan pinaagi sa iyang 28 puntos ug 11 ka rebounds, samtang niamot og 25 puntos si Franz Wagner ug 16 puntos ug 12 ka rebounds si Wendell Carter Jr.
Sa ikaduhang quarter sa duwa, nabatyagan ang kabangis sa Magic human nila makuha ang 43-21 nga labaw hinungdan nga wala na makabangon ang Wizards. Ang labaw sa halftime sa Orlando miabot sa 75-56 ang ilang kinatas-ang puntos sa unang bahin ning season.
Sa laing bahin, kini ang ikaduhang sunodsunod nga kadaugan sa Magic human sa upat ka sunodsunod nga kapildihan, ug ang ilang ika-11 nga sunodsunod nga kadaugan batok sa Washington sukad niadtong Marso 2023.
Sa laing bahin, ang Washington nakatala og upat ka sunodsunod nga kapildihan ug lima ka pilde sa unang unom ka duwa sa ilang season.
Photo Courtesy to:NBA
