Wala nagduha-duha ang pamilya sa China ang misang-at ug kaso batok sa eskwelahan sa ilang anak human kini ma-diagnose nga adunay acute and transient psychotic disorder, nga giingong resulta sa horror movie nga ilang gipatan-aw sa klase.
Sumala sa taho, samtang naka-leave ang ilang magtutudlo, gitugotan sa eskwelahan sa Hangzhou, Guangxi Province ang mga estudyante nga motan-aw og pelikula. Apan, matod sa ginikanan, horror movie diay kini nga grabe kaayo nakaapekto sa ilang anak, hangtod nga nagpakita na kini og lain-laing sintomas ug nadala sa ospital.
Nangayo ang mga ginikanan og 30,000 yuan o mga ₱2.4 milyon nga danyos ug miingon nga adunay pagpasagad ang maong eskwelahan. Sa ilang depensa, giingon sa eskwelahan nga dili sila hingpit nga responsable sa panghitabo.
Sa katapusan, napamatud-an sa korte nga adunay kapakyasan sa kampo sa eskwelahan ug gitakda nga 30% lamang sa responsibilidad ang ilang angkonon. Gipabayad og 9,182 yuan o halos ₱70,000 isip kompensasyon sa pamilya.
Photo Courtesy to:MS News
