Nagtrending karon sa Japan, ang istorya sa 23-anyos nga college student nga si Kofu nga nahigugma sa 83-anyos nga lola sa iyang classmate ug karon, opisyal na silang mag-uyab.
Ang tigulang nga babaye nga nailhan nga si Aiko, taga-Osaka, nakasinati na og daghang butang sa kinabuhi naka-minyo ug duha ka beses, adunay lima ka apo, ug kaniadto nagdumala og botanical garden.
Si Kofu, usa ka creative university student, nakaila ni Aiko sa dihang mibisita siya sa balay sa iyang classmate. Sukad niadto, nagsugod ang ilang espesyal nga koneksyon hangtod nga nagka-uyab sila.
Sumala sa mga report, pipila na ka bulan silang nagkuyog ug karon nagpuyo na sila sa usa ka balay, uban sa pag-uyon sa ilang pamilya.
Nagkabahin ang reaksyon sa netizens uban, nalipay ug miingon nga “wala’y edad ang gugma”, samtang ang uban duda kung magdugay ba gyud ang usa ka relasyon nga adunay dako kaayong agwat sa edad.
Photo Courtesy to:Top10s
