Giila nga pinakabata nga miyembro sa Mensa, ang usa ka batang lalaki nga dos anyos sa United Kingdom, opisyal nga membro sa prestihiyosong organisasyon para sa mga tawo nga adunay taas nga IQ.
Si Joseph Harris-Birtill pormal nga gidawat sa organisasyon human naka sulod sa top 2 percent sa populasyon nga adunay taas nga IQ.
Sumala sa iyang mga ginikanan, sila si Dr. Rose ug Dr. David Harris-Birtill, ang intelihensiya ni Joseph makita sukad pa sa iyang pagkatawo. Sa edad nga pito ka bulan, si Joseph nakaingon sa iyang unang pulong, ug sa wala pa siya mag-duha ka tuig, nakabasa na siya og usa ka tibuok libro.
Gawas sa pagbasa, makaihap siya sa lima ka pinulongan, nakamemorya na sa Greek alphabet, ug karon interesado sa Morse code ug sa periodic table. Sumala sa iyang inahan, “Si Joseph malipayon, manggihatagon, ug kanunay nga andam nga makakat-on. Ganahan siya sa musika, pagluto ug pagdula og chess.”
Tungod sa talagsaong mga abilidad sa ilang anak, si Rose ug David miduol sa Mensa aron mangita og mga tawo nga makatabang sa paghulma sa talagsaon nga mga talento ni Joseph.
Naglaum usab sila nga samtang siya modako, iyang makita ang pagkahimong kabahin sa Mensa isip usa ka dungog nga iyang gipaningkamutan.
Photo Coutesy: guinnessworldrecords
