Misalmot ang Beach Volleyball Players sa Kidapawan City alang sa Batang Pinoy National Championships 2025, nga gipahigayon sa General Santos City, asa pormal nga giablihan ang maong kompetisyon niadtong adlawng Sabado Oktubre 25, 2025.
Sumala pa sa coach nga si Czarls Klymer Andil, first time nilang tanan nga niapil sa Batang Pinoy labi na sa beach volleyball, hinungdan nga dako ang ilang pagahimoong adjustment niini.
Naglaom si Andil nga mahimong lingaw ang maong kompetisyon, labi na nga daghang mga maayong magdudula gikan sa lain-laing lugar.
Gipasalamatan usab niini ang City Government of Kidapawan, sa walay puas nga suporta nga gihatag kanila aron makasalmot sa kompetisyon.
Sa iyang mensahe sa iyang mga players, nga ihatag nila ang ilang makaya ug i-enjoy ang maong dula. Dul-an sa 19,000 ka mga atleta gikan sa 188 ka local government units ang misalmot sa labing dako ug engrande nga edisyon sa Batang Pinoy, nga opisyal nga giablihan niadtong Sabado.
Gipasiugdahan kini sa Philippine Sports Commission (PSC), ang nasudnong mga dula alang sa mga atleta nga nag-edad og 12 ngadto sa 17 anyos, nga makigtigi sa 27 ka sports sama na lamang sa archery, arnis, athletics, badminton, 3×3 basketball, boxing, chess, cycling ug daghan pang uban.
Photo Courtesy to:PNA
