Nasakmit ni Olympic gold medalist ug gymnast nga si Carlos Yulo ang bronze medal sa floor exercise sa World Gymnastics Championships, kagahapong adlawa sa Biyernes Oktubre 24, 2025 sa Jakarta, Indonesia.
Si Yulo nakakuha og 14.53 sa kinatibuk-an, aron mopahiluna sa ikatulong pwesto sunod nila ni Jake Jarman sa Great Britain nga may 14.86, ug Luke Whitehouse nga adunay 14.66.
Makigtigi gihapon ang two-time Olympic gold medalist karong adlawa Sabado, Oktubre 25, 2025.
Kahinumdoman, nga nakuha kaniadto ni Yulo ang gold sa floor exercise sa 2019 edition sa world championships.
Photo Courtesy to:Rappler
