Nakadawat ang Dakbayan sa Tandag og Patient Transport Vehicle (PTV) gikan sa Philippine Charity Sweepstakes Office (PCSO) diin kabahin kini sa sa mga Local Government Units (LGUs) sa Caraga Region nga nakadawat sa maong kagamitan isip kabahin sa padayon nga inisyatibo sa national government sa pagpalig-on sa healthcare delivery ug emergency response sa lokal nga komunidad.
Gipahigayon ang ceremonial turnover kagahapong adlawa, Oktubre 24, 2025, sa Butuan Sports Complex sa Dakbayan sa Butuan, diin gipangulohan mismo ni Presidente Ferdinand R. Marcos Jr. uban kang PCSO General Manager Melquiades Robles nga personal nga mitunol sa simbolikong yawe ngadto sa mga opisyal sa probinsya ug lokal nga kagamhanan sa rehiyon.
Nagrepresentar sa syudad sa Tandag, si Mayor Roxanne Pimentel personal nga midawat sa maong PTV ug nagpalig-on sa paningkamot sa lungsod sa pagsiguro nga anaa kanunay ang accessible ug responsive nga serbisyo panglawas alang sa tanang Tandaganon.
Ang maong PTV kabahin sa 71 ka ambulansya nga gipang-apod-apod sa mga LGU sa Agusan del Norte, Surigao del Norte, Surigao del Sur, Province of Dinagat Islands, Davao de Oro, Davao Oriental, Butuan City, ug Bonifacio sa Misamis Occidental.
PHOT COURTESY TO: CITY GOVERNMENT OF TANDAG
