Nihatag og public support ang aktres ug social media personality nga si Bea Borres alang ni Jillian Ward, nga mibuka sa iyang kahilom kabahin sa walay basehang tsismis nga gisang-at batok niya, lakip na ang isyung adunay siya umakong “sugar daddy.”
Pinaagi sa usa ka Facebook post, giingon ni Bea nga makarelate siya sa nasinati sa Kapuso actress kay nabiktima sab siya sa fake news ug dili patas nga paghusga sa publiko.
Gipaambit sa vlogger nga iyang natan-aw ang interbyu ni Jillian ug nakapahimo kini kaniya sa paghunahuna nga hangtod karon, daghan gihapon ang dili makadawat nga ang babaye mahimo’g malampuson sa kaugalingon nga paningkamot gawas nga adunay tawo nga nagpuwersa o nagpondo sa ila.
Mipahimangno si Bea batok sa toxic nga panghunahuna sa uban, ug nag-awhag sa pagsuporta sa kababayen-an nga nagpaningkamot ug nakaangkon og kalampusan pinaagi sa ilang talento ug trabaho.
Photo courtesy of Facebook Page CDN Digital
