Gimando ni Presidente Ferdinand Marcos Jr. nga ang pondo para sa pagtukod og mga classroom ipaluyo direkta sa mga local government units (LGUs) aron mapaspasan ang pagtubag sa kakulangon sa mga lawak-saringan sa tibuok nasud.
Ang maong lakang nagpasabot nga dili na eksklusibong katungdanan sa Department of Public Works and Highways (DPWH) ang pagtukod sa mga classroom usa ka desisyon nga gikonsiderar nga pagkawala sa pagsalig sa ahensya human sa ubos nga completion rate ug mga alegasyon sa korapsyon.
Sumala sa Malacañang, ang DPWH, Department of Education (DepEd), ug mga LGU magpirma og memorandum of agreement (MOA) aron masiguro ang paspas nga pagtukod ug pag-ayo sa mga classroom.
Gipahayag ni Public Works Secretary Vince Dizon nga 22 ra ka classroom sa 1,700 ang nahuman sa 2025 target usa ka “deplorable performance” sumala niya. Ang Alliance of Concerned Teachers (ACT) mibutyag nga kulang gihapon kini kay gibanabana nilang 165,000 classroom pa ang kakulangon sa nasud.
Pinaagi sa MOA, ang mga LGU na ang magpatuman sa konstruksyon samtang mag-monitor ang DPWH ug DepEd. Target niini nga makahuman og 2,370 ka classroom.
SOURCE: PNA
