Nasikop sa mga otoridad ang unom ka mga indibidwal human sa usa ka bangis nga protesta sa gawas nga bahin sa asylum seeker hotel sa habagatan-kasadpang sa Dublin, Saggart, Ireland niadtong Martes Oktubre 21, 2025.
Ang maong insidente gikondena sa gobyerno ug kapulisan sa Ireland kini human sa mga alegasyon sa usa ka 10-anyos nga batang babaye nga gi-atake sekswal sa usa ka 26-anyos nga lalaki.
Sumala sa Garda o Irish state police nga gidakop ang unom ka mga indibidwal nga nagprotesta tungod sa paglabay nila ug mga tisa, botelya nga baso ug gipabuthan ang mga kapulisan.
Matod usab ni Police Commissioner Justin Kelly nga ang insidente dili usa ka malinawon nga pagprotesta kundili usa ka biolente nga buhat.
Kahinumdoman nga mukabat sa 1,000 ka mga indibidwal ang nagprotesta sa gawas nga bahin sa Citywest hotel sa Saggart sa Dublin.
Photo Courtesy to: RTE
