Dili masukod ang kalipay sa bag-ong Miss Grand International 2025, nga si Emma Mary Tiglao, human niyang makuha ang usa sa labing dunggang titulo sa international beauty pageants ug nahitabo kini sa usa ka espesyal kaayo nga adlaw para kaniya ug sa iyang pamilya.
Sa grand coronation night nga gipahigayon niadtong Oktubre 18, 2025, gisulat pag-usab ang kasaysayan sa Pilipinas sa kalibutan sa pageantry human gi-deklara si Emma nga 13th Miss Grand International. Kini usab ang back-to-back victory sa Pilipinas sa maong kompetisyon, human sa kadaogan ni Christine Juliana Opiaza niadtong 2024.
Apan labaw pa sa korona ang hinungdan sa dakong selebrasyon ni Emma kay ang maong adlaw sa iyang kadaogan mao usab ang adlawng natawhan sa iyang inahan, si Lhita Tiglao.
Ang maong gabii dili lang para sa mga reyna sa katahom, kundi para sa mga inahan, mga tinuod nga fans, ug sa nasud nga walay puas sa pagpakita sa iyang garbo sa internasyonal nga entablado.
Photo courtesy: Miss Grand International
