Gibutyag sa hearing sa Senate Committee on Finance nga pipila ka mga programa sa Metropolitan Manila Development Authority (MMDA) ang apektado sa mga pasangil sa kurapsyon sa mga flood control projects.
Matod ni Committee on Finance Chairperson JV Ejercito, gikan sa PHP13.576 bilyones nga proposed budget sa MMDA para sa 2026, PHP5.884 bilyones lang ang girekomendar sa Department of Budget and Management (DBM).
Lakip sa wala mapundo mao ang PHP300 milyones alang sa Phase 2 sa rehabilitasyon sa Manggahan floodwater channel, ug PHP300 milyones alang sa Phase 20 sa rehabilitasyon sa ubos nga Marikina River.
Matod ni MMDA Chairman Romando Artes nga posibleng wala napundo ang maong mga proyekto kay konektado kuno kini sa flood control nga karon nalikayan human nabutyag ang giingong panagkunsabo sa pipila ka opisyal ug contractor sa mga anomalosong proyekto.
Hinuon, si Committee on Finance Chairperson Senador Sherwin Gatchalian niingon nga ang MMDA adunay kapin sa PHP1 bilyon nga nahabilin alang sa flood control, o gibana-bana nga P32 milyones matag siyudad sa Metro Manila.
Photo Courtesy to:MMDA
