Nagpabilin nga ika-tulo nga pinaka-worst sa kalibutan ang sistema sa pensiyon sa Pilipinas, sumala sa 2025 nga edisyon sa Global Pension Index sa Mercer CFA Institute.
Ang score sa Pilipinas, nga gi-grado base sa adequacy, sustainability, ug integrity, miuswag ngadto sa 47.1 sa 2025 gikan sa 45.8 sa 2024, nag-una tungod sa “pagklaro sa mga regulasyon,” sumala sa taho.
Apan, ang score layo ra kaayo sa 64.5 nga global average, ug kini ang ika-tulo nga pinaka-ubos nga score sa 52 ka retirement income systems sa index. Sa miaging tuig, ang sistema sa pensiyon sa Pilipinas ika-tulo usab nga pinaka- worst sa 48 ka sistema.
Sa taho, ang mga sistema sa pensiyon sa Pilipinas, Turkey, Argentina, ug India, gihatagan og “D” nga grado. Kini nagpasabot nga ang sistema sa pensiyon aduna’y pipila ka “desirable” apan aduna usab “major nga mga kahuyangan” nga kinahanglang sulbaron.
Ang retirement income system sa Pilipinas naglangkob sa usa ka gamay nga basic pension ug usa ka earnings-related social security pension. Ang mga miyembro makadawat og lifetime pension kung nakatampo sila sulod sa minimum nga 180 ka bulan alang sa gobyerno ug 120 ka bulan alang sa non-government nga mga miyembro.
Ang Mercer CFA Institute nag-ingon nga ang sistema sa pensiyon sa Pilipinas mahimong mapauswag kung dugangan ang minimum nga lebel sa suporta alang sa labing kabos nga mga edaran ug i-linya ang mga benepisyo sa gasto sa panginabuhi sa nasud.
Dugang pa, ang mga kinahanglanon alang sa vesting sa mga plano sa pribadong sektor kinahanglang pauswagon, ingon man ang mga kinahanglanon sa pagdumala alang sa pribadong sistema sa pensiyon. Ang taho nag-ingon usab nga ang lokal nga sistema sa pensiyon walay mga opsyon nga dili-ma-cashout ang retirement plan proceeds aron kini mapreserbar alang sa katuyoan sa pagretiro.
Photo courtesy: Politiko
