Giila na sa publiko sa aktres nga si Cristine Reyes nga siya karon adunay karelasyon nga usa ka non-showbiz nga personalidad, nga mao si Gio Tingson, usa ka dating youth commissioner ug aktibong miyembro sa political sector.
Sa usa ka interview gikumpirma ni Cristine nga anaay usa ka espesyal nga tawo nga nakahatag og kalipay ug kahapsay sa iyang kinabuhi.
Bisan pa man og wala pa niya detalyado nga gipaila ang ngalan ni Gio sa maong interview, daghang mga netizen ang nakakita nga permi kining magkauban sa trip ilabi na sa ilang pag-adto sa Vietnam nagpamatuod nga si Gio Tingson ang iyang karelasyon karon.
Wala na maghatag og dugang detalye si Cristine bahin sa ilang relasyon, apan giila niya nga lahi kini sa iyang mga miaging kasinatian sa gugma.
Photo courtesy: Cristine Reyes/Facebook
