Gikatakda nga magkita pag-usab si US President Donald Trump ug Russian President Vladimir Putin aron hisgutan ang posibleng pagtapos sa giyera sa Ukraine.
Sumala sa White House Press Secretary Karoline Leavitt, ang duha ka lider nagkaistorya sulod sa kapin duha ka oras pinaagi sa telepono, diin usa sa mga nag-unang hilisgutan mao ang ug pagpahunong sa armadong panagbangi sa Ukraine.
Sa ilang kasabutan, magpatawag una og miting sa ilang mga opisyal nga ipahigayon sa Hungary sa sunod nga semana, ug sunod niini mao ang personal nga pagkita pag-usab ni Trump ug Putin aron ipadayag ang mga resulta sa negosasyon.
Ang maong panag-istoryahanay nahitabo usa ka adlaw sa wala pa ang opisyal nga pagbisita ni Ukrainian President Volodymyr Zelensky sa White House, diin gilauman nga mangayo siya og Tomahawk missiles gikan sa Estados Unidos aron ipalig-on ang depensa batok sa Russia.
Photo courtesy: PBS
