Opisyal nang nagsugod sa komersyal ang kompanyang InventWood nga nakabase sa Maryland, USA nga pagpadala sa ilang rebolusyonaryong produkto nga gitawag og Superwood — usa ka klase sa engineered wood nga napulo ka pilo ang kagahi sa puthaw ug unom ka pilo nga mas gaan.
Bisan pa sa iyang kalig-on ug kagaan, nagapabilin kini nga sama sa natural nga kahoy sa hitsura ug tekstura, apan adunay talagsaong resistensya ug kagahi.
Ang mga tigdukiduki nakahimo niini pinaagi sa usa ka densification process nga nagpalig-on sa molecular bonding sa mga natural nga fibers sa kahoy.
Ang resulta usa ka renewable ug lig-on nga materyales nga mahimong gamiton sa konstruksyon, industriya sa awto, ug bisan pa sa aerospace.
Sumala sa mga eksperto ang Superwood adunay dakong potensyal sa pagpakunhod sa carbon emissions ug sa pagminus sa paggamit sa steel ug concrete, nga mga materyales nga dako kaayo og kontribusyon sa polusyon.
Tungod sa iyang kagahi, gaan, ug eco-friendly nga kinaiya, ang Superwood gilauman nga mag-abli sa dalan padulong sa mas limpyo, mas berde, ug mas lig-on nga kaugmaon.
Source: TECH TIMES
Photo courtesy to: Gordon Hutchinson
