Naghubo nga nakasakay sa ilang mga bisikleta ang pipila ka mga demonstrador sa syudad sa Portland, Oregon sa Estados Unidos aron sa ilang pagbabag sa mga opisyal sa United States Immigration and Customs Enforcement (ICE) sa pataka og pagpanakop sa mga migrante.
Nagsubay kini sila sa kadalanan sa syudad diin ang pipila hubo aron ipadayag ang ilang kasagmuyo sa administrasyon ni US President Donald Trump.
Gitawag kini nilang “emergency” edition sa tinuig nga World Naked Bike Ride. Gawas niini aduna pay pipila ka mga protestante ang nagsul-ob og mga nagkadaiyang mga custome sama sa cartoon frogs, unicorn, ug banana outfit.
Ang naked bike ride, usa ka tinuig nga tradisyon nga sagad mahitabo ka summer season, apan ang mga nag-organisar sa dinalian nga gitawag nga kalihokan karong semanaha miingon nga kinahanglan ang usa ka nude ride supakon ang pamunuan ni Trump sa pagmando sa mga National Guards nga ideploy sa ilang syudad.
Photo courtesy to:bikeportland.org
