ILAGA, NAKUHAAN OG VIDEO NGA NANGLIMPYO SA BALAY

Usa ka wildlife photographer sa Built Wells, United Kingdom, ang nakadiskubre og ilaga nga nanghipos ug naglimpyo sa iyang balay matag gabie.

Sumala sa photographer nga si Rodney Holbrook, nakuhanan niya sa camera ang maong ilaga nga iyang gitawag og “Welsh Tidy Mouse.”

Matod niya, human niyang mamatikdan nga matag gabie adunay naghinlo sa iyang workbench, nagbutang siya og night vision camera aron masuta kung unsa ang tinuod nga nahitabo.

Didto nakita sa video nga ang ilaga nga naghipos ug nagabalik sa lugar sa mga gamit sama sa clothes pegs, corks, nuts, ug bolts.

Dugang pa ni Holbrook, nabantayan usab niya nga ang pagkaon nga iyang ginahatag para sa mga amigas nabutang sa daang kahon sa sapatos, nga mao diay ang ginabalikan sa ilaga.

Ang maong hulagway karon nakakuha sa atensyon, kalingawan ug katingalahan sa mga netizen sa social media.