Gipangunahan ni City Mayor Rolando Klarex Uy ang Ceremonial Launching for 4PH model unit sa City Hall compound kagahapon sa buntaga, ang bag-ong housing program alang sa mga kagay-anon nga affordable ug accessible sa katawhan.
Ang aktibidad, gitambongan sa mga miyembro sa City Council, mga kawani sa Department of Human Settlements and Urban Development ug A Brown Properties nga developer sa nahisgutang proyekto.
Aminado ang Mayor nga daghan sa mga kagay-anon ang nag laom ug daghan usab ang nawad-an na sa pag laom sa pabahay apan gipasalig niini nga kining bag-ong pabahay kaya ra ma afford sa mga pamilya nga dili adunahan.
Photo courtesy: City Information Office – Cagayan de Oro City
