Gimultahan sa Securities and Exchange Commission (SEC) ang San Miguel Corporation (SMC) ug ₱1 milyon tungod sa sayop nga pahayag nga makita sa ilang unaudited consolidated financial statement kutob niadtong Hunyo 30.
Sumala sa SMC, base sa imbestigasyon sa Office of the General Accountant (OGA) sa SEC, ang maong sayop naglakip sa sayop nga pagkaklasipikar sa cash outflow nga may kalabutan sa pagpalit og property, plant, ug equipment. Kini gisulod ubos sa operating activities imbes nga ibutang ubos sa investing activities, sumala sa Philippine Accounting Standards (PAS) 7 Statement of Cash Flows.
Gitaho sa kompanya nga gipahibalo na nila ang SEC ug nagpasalig nga buhaton nila ang pagsakto sa mga entry aron malikayan ang susamang sayop sa umaabot nga mga financial reports.
Gimandoan usab ang San Miguel Corporation (SMC) sa Securities and Exchange Commission (SEC) nga i-update ang ilang financial information, partikular na ang mga datos nga may kalabotan sa cash flow nga nakabutang sa prospectus alang sa ilang public offering.
Gipahimangnoan sa SEC nga kinahanglan masiguro sa kompanya ang katukma ug kalinaw sa impormasyon aron dili malimbongan ang mga investors ug ang publiko.
Tungod sa sayop nga pahayag sa ilang financial report, gipamultahan ang SMC og ₱1 milyon isip silot nga gipangayo sa SEC.
Photo Courtesy to: MANILA STANDARD
