Giaprobahan na sa Budget Amendments Review Subcommittee sa House Appropriations Committee ang realignment sa “unprecedented” ₱56.6 billion nga dugang pondo para sa sektor sa edukasyon ubos sa proposed 2026 national budget.
Ang mga relokasyon nakumpirma atol sa budget hearing sa subpanel kagahapon Miyerkules, Oktubre 8.
Ang gi-aprobahan nga mga realignment naglakip sa: ₱35 bilyones alang sa Basic Education Facilities ubos sa Department of Education (DepEd); ₱414 milyones alang sa DepEd Computerization Program; ₱4 bilyon aron matubag ang tulo ka tuig nga kakulang sa pondo alang sa state universities and colleges (SUCs); ₱1.8 bilyones alang sa pagtukod sa SUC buildings ug pasilidad; ug ₱3.6 bilyon para sa Training for Work Scholarship Program sa Technical Education and Skills Development Authority (TESDA) ug Special Training for Employment Program.
Kini nga mga pundo idugang sa ibabaw sa kasamtangang ₱1.224 trilyon nga alokasyon alang sa sektor sa edukasyon sa gisugyot nga 2026 National Expenditure Program (NEP), nga nagpalig-on sa mandato sa konstitusyon sa gobyerno nga unahon ang edukasyon.
Samtang, giaprobahan usab sa subcommittee ang amendment aron doblehon ang binuwan nga stipend sa mga estudyante sa Philippine Science High School (PSHS) System gikan sa ₱4,000 ngadto sa ₱8,000, nga walay pagsupak..
via: WIX/SONNY ANGARA
