Nagpadayon ang pag-ayo sa kahimsog sa komedyanteng si Ate Gay human sa ika-unom ka adlaw sa iyang radiation therapy, diin makita nga migamay na ang bukol sa iyang liog.
Sa usa ka video nga iyang gipaambit sa Facebook, gipakita ni Ate Gay ang klarong pagkagamay sa bukol ug iyang gipadayag ang dakong pasalamat sa Labaw’ng Makagagahom tungod sa maayong kausaban sa iyang kondisyon.
Giingon pa niya nga halos wala na gyud siyay bukol ug naglaom siyang magpadayon pa ang maayo nga resulta sa tambal.
Kahibaloan nga gisulti ni Ate Gay ang iyang stage 4 cancer diagnosis sa programa nga “Kapuso Mo, Jessica Soho” niadtong Septyembre. Sukad niadto, daghang grasya ang midangat kaniya, lakip na ang tabang sa usa ka wala mailhing donor nga iyang gitawag nga iyang “anghel.”
Sa pagkakaron, padayon siyang ginatambalan sa Asian Hospital and Medical Center sa Muntinlupa City.
Photo Courtesy to:Diskurso.ph
