Gitudlo ni President Ferdinand R. Marcos Jr. si Justice Secretary Jesus Crispin “Boying” Remulla isip bag-ong Ombudsman sa Republika ng Pilipinas, human ang termino ni Hon. Samuel R. Martires niadtong Hulyo.
Ubos sa pagpangulo ni Sec. Remulla, gihingusgan sa Department of Justice ang mga nag-unang reporma aron mapa-modernisar ang sistema sa hustisya, maminusan ang kahuot sa mga bilanggoan, mapadali ang pagsulbad sa mga kaso, ug mapalapad ang access sa legal nga serbisyo.
Tungod sa iyang taas nga serbisyo isip magbabalaod, gobernador, ug abogado, nakab-ot niya ang dakong respeto tungod sa iyang integridad ug dedikasyon sa pagserbisyo sa nasud. Isip bag-ong Ombudsman, gilauman ni President Marcos nga ipadayon ni Remulla ang transparency, palig-onon ang mga lakang batok sa korapsyon, ug masiguro nga ang hustisya ipatuman sa patas ug paspas nga paagi.
Gisiguro usab nga walay sacred cows, walay exception, ug walay palusot, tungod kay ang public office usa ka public trust ug kadtong mga motraydor niini papanabagon.
Mipasalig usab si President Marcos nga ang transparency, katarungan, ug pagtuman sa balaod magpabiling giya sa iyang administrasyon sa pagtukod sa usa ka Bagong Pilipinas nga tinuod nga nag-alagad sa katawhang Pilipino.
Photo courtesy to: esquiremag.ph
