Nanawagan og hustisya ang ig-agaw sa usa ka lalaki nga gipusil sa Purok 1, Pindugangan, Barangay Tipanoy, Iligan City, kung asa ang biktima nakaangkon sa igo pinusilan sa tuo nga bahin sa iyang bukton human kini gipusil sa wala mailhing suspek.
Sa pahayag sa ig-agaw sa biktima, giingon nga adunay grupo sa mga batan-on nga nagsakay ug motor ug nagpabuto og armas sa lugar. Gisulayan unta kini og pangutana sa biktima kun nganong nagmugna sila og samok, apan imbis motubag, gipusil kini ug dayon mikalagiw ug padagan sa motor palayo.
Sa kasamtangan padayong nagpaalim ang biktima sa balay tambalanan ug nagpadayon ang gihimong imbestigasyon sa kapulisan aron mahibal-an ang tinuod nga motibo sa insidente ug mailhan ang mga responsable sa krimen.
Photo for illustration credits to:Ada derana
