Gipahibalo sa bag-ong gitudlo nga Ombudsman nga si Jesus Crispin ‘Boying’ Remulla, nga iyang ablihan ang isyu kalabot sa confidential funds ni Bise Presidente Sara Duterte.
Matod ni Remulla, tun-an niya kini busa, mo-rekisa o makig-alayon siya sa mga opisyal nga naghupot sa report o isyu nga gipasaka sa buhatan sa Ombudsman.
Kahinumduman nga gisumite sa House Committee on Good Governance ang committee report niini sa Ombudsman batok sa bise presidente bahin sa giingong dili tukma nga paggamit sa pondo sa Department of Education. Diin girekomenda nila nga kasuhan si Bise Presidente Sara Duterte sa reklamo sa alegasyon nga technical malversation, perjury, bribery, ug plunder kalabot sa kontrobersyal niini nga confidential funds.
Alang niini, iyang giingon nga makasalig ang publiko nga siya mahimong ‘transparent’ ug ipadayon usab ang ‘accountability’. Gipasalig niya nga sa iyang pagkatudlo isip Ombudsman, papanubagon ang mga opisyal kauban ang nagpadayon nga imbestigasyon bahin sa anomaliya sa flood control projects. Busa, gilauman sa pagka-Ombudsman ni Remulla ang pagka-abli sa buhatan sa iyang prayoridad nga makapangita og tubag ug papanubagon ang mga nalambigit sa isyu sa korapsyon.
Photo courtesy: Boying Remulla
