Nakatilaw na ang Magnolia Hotshots sa ilang unang daog ubos sa bag-ong head coach nga si LA Tenorio sa pagbukas sa PBA 50th Season Philippine Cup.
Kahibaloan nga gipildi sa Magnolia ang kanhi team ni Tenorio, ang Barangay Ginebra, sa iskor nga 80-73 sa duwa nga gipahigayon sa Smart Araneta.
Sa pagsugod sa duwa, ang Hotshots naglabaw og sayo nga adunay 10 puntos gikan nila ni Zavier Lucerio ug Javi Gomez de Liano.
Gipangulohan ni Lucero ang kadaugan pinaagi sa iyang 17 puntos, pito ka rebounds, upat ka steals ug usa ka block samtang sila si Jerom Lastimosa ug Gomez de Liano adunay 14 puntos matag usa alang sa Magnolia.
Giangkon ni Tenorio nga emosyonal kini tungod kay sa una niyang pagka-coach, magsangka dayon sila sa iyang kanhi team, ang Barangay Ginebra.
Photo Courtesy to: ABS-CBN
