Pagpirma ni Energy Secretary Sharon Garin nipahibawo sa sa usa ka polisiya nga maghatag ug dalan sa katukoran sa unang commercial nuclear power plant sa Pilipinas.
Sumala sa Department Circular No. 2005-10-0019, gipirmahan niadtong Oktubre 2, gilatid niini ang gitawag nga “Pioneer Nuclear Power Plant (NPP),” nga maoy basehan sa umaabot nga mga proyekto sa natad sa nuclear energy sa nasud.
Kalabot niini, atol sa Philippine International Nuclear Supply Chain Forum 2025 nga gipahigayon sa Taguig City niadtong Oktubre 3, si Garin niingon nga andam ang gobyerno sa pagtabang sa mga developers aron mapadali ang ilang operasyon ug makakuha og “offtake” o power sales agreements.
Mitambong usab sa forum ang mga eksperto ug opisyal gikan sa lainlaing nasod sama sa U.S., South Korea, Canada, UAE, Argentina, France, Finland, Hungary, ug uban pa.
Gihisgutan usab sa forum ang pagpalambo sa usa ka lig-on nga kadena sa suplay sa nukleyar aron suportahan ang pagbalhin sa Pilipinas ngadto sa limpyo ug malungtarong enerhiya.
Dugang pa, ang International Atomic Energy Agency (IAEA) naglista usab og 19 ka dagkong mga hagit sa imprastraktura nga kinahanglang atubangon sa Pilipinas.
Sa pagkakaron, walay nasod sa Southeast Asia nga adunay komersyal nga nuclear power plant nga naglihok, apan ang Vietnam, Malaysia, Indonesia, ug Thailand nagplano sa pagsunod sa samang estratehiya.
Photo Courtesy to: The Global Economics
