Misikat ang usa ka babaye sa India ang human niya gitabonan og tae sa baka ang iyang sakyanan aron mapabugnaw ang sulod niini, bisan pa wala kini’y aircon. Matod sa babaye, epektibo kini nga paagi batok sa kainit, ug kini usa ka tradisyon sa ilang lugar diin gigamit ang hugaw sa baka isip natural nga insulator sa mga balay.
Nagkalain-lain ang reaksyon sa publiko uban nakurat, uban nalingaw, ug ang uban nidayeg sa pagka-eco-friendly sa babaye. Apan aduna usab mga nangutana kung luwas ba kini ug kung manimaho ba ang sa sakyanan.
Tungod sa nagkagrabe nga kainit sa kalibutan, daghang netizens ang nangutana: “Mosugot ba ka nga tae sa baka ang imong gamiton nga aircon?”
Photo Courtesy to:NDTV
