Nakatakdang mohatag sa pinansyal nga tabang ang Lokal nga pangamhanan sa Surigao City sa kantidad nga PHP300,000 ngadto sa Bogo City, Cebu, alang sa galastuhan sa lubong sa mga biktima.
Giaprobahan sa Sangguniang Panlungsod, pinangulohan ni Vice Mayor Alfonso S. Casurra, ang hangyo ni Mayor Pablo Yves L. Dumlao II atol sa ilang ika-35 nga Regular Session Kagahapon, Oktubre 2, 2025.
Ang resolusyon gipaluyohan ni City Councilor Joniel Aldonza aron magtugot sa Mayor sa Dakbayan nga ipagawas ang maong kantidad isip suporta sa apektado sa 6.9 Magnitude nga linog sa Bogo City.
Ang Bogo City usa sa labing grabeng naapektuhan sa linog nga miigo sa amihanan sa Cebu niadtong Setyembre 30, 2025, nga miresulta sa kamatayon sa ubay-ubay ka mga indibidwal, gatusan nga naangol, ug daghang pamilya nga nawagtangan og panimalay.
Kini nga lakang isip bayanihan nga pamaagi sa ilang pakig-duyog sa mga namatyan sa maong trahedya.
