Nagpatawag ug emergency meeting ang Lgu-Gensan inubanan sa personahe sa City Disaster Reduction and Management Council, aron mahatod ang hinabang ngadto sa mga apektadong pamilya sa lugar sa Northern Cebu.
Kun diin dungan sa makusog nga 6.9 magnitude nga linog mukabat sa 69 ka mga indibidwal ang namatay. Mokabat sa kapin sa 8 milyones nga pinansyal ang gitagana sa Lgu-Gensan ug mga opisyal sa Sangguniang Panglungsod atol sa special session alang sa Rehabiltation and Recovery.
Gitagana ang maong budget nga ₱2 milyon alang sa Bogo City samtang tag ₱ 1 milyon sa Tabugon, San Remigio, Tabuelan, Daan Bantayan, Borbon ug Medellin nga maoy mas naigo sa makusog nga pagtay-og.
Photo Courtesy to:LGU-GENSAN
