Naguol ang usa ka inahan sa Kentucky sa pagkadiskobre nga ang iyang anak nag-order og 70,000 ka lollipop gamit ang iyang cell phone, nga mokabat sa $4,200 (kapin sa P240,000).
Matod ni Holly LaFavers, residente sa Lexington, wala gyud siya magdahom nga makadawat siyag 30 ka kahon sa Dum-Dum lollipops sa ilang balay. Sumala sa iyang post sa social media, ang matag kahon adunay sulod nga 2,340 ka lollipops.
Ang iyang anak nga si Liam, usa ka Grade 2 nga estudyante, niangkon nga nag-order siya samtang nagdula sa cell phone sa iyang inahan sa katapusan sa semana. Sa $130 matag kahon, ang kinatibuk-ang kantidad sa iyang ‘wala damhang pagpalit sa online’ niabot sa $4,200.
Sa sinugdan, ang Amazon miuyon nga ibalik ang walo ka mga kahon. Ingon usa ka sangputanan, gisulayan sa LaFavers nga ibaligya ang nahabilin nga mga kahon sa mga higala ug silingan. Apan human sa daghang mga kontak sa bangko ug sa media, gikumpirma sa Amazon nga ilang ibalik ang tanan niyang kuwarta.
Matod sa inahan nga “Salamat sa tanan nga mitanyag sa pagpalit aron makatabang. Kini usa ka pahinumdom sa daghang mga ginikanan nga mahimong mas kritikal sa paggamit sa ilang mga anak sa mga gadyet, labi na kung bahin sa online shopping apps.
Photo Courtesy to:candy favorites
