Nasa headline na pud si Chie Filomeno dili tungod sa iyang showbiz projects o OOTDs, kundi tungod sa iyang personal nga kinabuhi. Naay mga tsismis nga nagbuwag na sila sa aktor nga si Jake Cuenca, ug karon gi-link na usab siya sa usa ka Cebuano businessman.
Nisugod ang isyu pagkahuman nga napansin sa mga netizen nga wala na nag-follow sa usag usa si Chie ug Jake sa Instagram. Dugay na usab nga wala sila magpakita nga magkauban, busa mas midako pa gyud ang tsismis nga basin nagbulag na sila.
Apan ang mas nakapukaw sa interes sa publiko mao ang koneksyon ni Chie sa negosyanteng si Matthew Lhuillier, membro sa iladong Lhuillier family sa Cebu.
Tungod sa tsismis, mihimo og pahayag si Chie sa iyang Instagram Story niadtong Setyembre 29. Giklaro sab niya nga walay labot ang Lhuillier family sa isyu, ug dili sila angay maapil sa mga tsismis.
Sa pagkasulat niini, wala pay pahayag si Jake Cuenca ug si Matthew Lhuillier kabahin sa maong isyu. Samtang ang uban busy sa tsismis, daghan usab sa fans ni Chie ang misuporta kaniya, ug misulti nga angay lang nga protektahan niya ang iyang privacy.
Bisan pa sa kalibog, padayon gihapon si Chie sa pagtrabaho ug pagpakita sa iyang mga endorsements ug advocacy.
Photo Courtesy to:The filipino Times
