Sikop ang usa ka lalaki sa gipahigayong operasyon sa mga personahe sa Buug Municipal Police Station kauban sa AKG MFU lligan Satellite Office (Support Unit) ingon man sa Aloran MPS sa Purok 5, Barangay Manlin, Buug, Zamboanga Sibugay niadtong nakalabay nga adlaw.
Naila ang dinakpang Top 5 Most Wanted Person nga temporaryong nanimuyo sa Boarding House sa nasampit nga lugar kung asa gidakop pinaagi sa gahom sa Warrant of Arrest alang sa kasong Frustrated Murder dinokitan under CC# 2025-1623 nga gi-isyu ni Hon. ODESSA GRACE ENCARNACION GONZAGA, Presiding Judge, Regional Trial Court, Tenth Judicial Region, Branch 14, Oroquieta City, Misamis Occidental penitsahan February 27, 2025 nga adunay piyansa sa (Php200,000.00).
Atol sa operasyon samtang nagpahigayon og Body Search,nakumpiska ang usa ka caliber .22 revolver loaded sa 6 ka piraso sa live ammunition,2 ka piraso sa gituohang shabu nga gibanabanang motimbang sa 0.2 gramos nga nagkantidad sa Php1,360.00 ug uban pang mga Drug Paraphernalia.
Gipahigayon ang pag imbentaryo sa presensya sa Barangay Councilor sa nasampit nga lugar ingonman sa Media Representative nga gigamitan sa Alternative Recording Device og gipahibalo sa iyang Constitutional rights, Miranda Doctrine ug Anti-Torture Law sa pinulungan nga iyang masabtan.
Sa kasamtangan, ang dinakpan anaa sa kostudiya sa Buug MPS alang sa hustong disposasyon samtang ang nakumpiska nga Drug Items gidala sa Zamboanga Sibugay Provincial Forensic Unit alang sa qualitative and quantitative examination kauban sa narecover nga armas.
Photo Courtesy to:Buug MPS
