Mokabat sa 1,681 ka mga atleta ug coach ang molangkob sa delegasyon sa Team Philippines alang sa 33rd Southeast Asian Games nga ipahigayon sa Bangkok, Thailand karong Disyembre.
Kini ang gipadayag ni Chef De Mission Dr. Raul Canlas kinsa presidente usab sa United Philippine Surfing Association (UPSA) diin kini maoy pinakadaghan sa delegasyon karon
Gipaabot nga mangulo sa kampanya sa nasod mao sila si 2024 Paris Olympics double-gold medalist Carlos Yulo sa gymnastics, 2020 Tokyo Games winner Hidilyn Diaz sa weightlifting, pole vaulter EJ Obiena ug tennis sensation Alex Eala.
Tungod sa kadaghdan sa delegasyon, gitudlo sa POC sila si Alvin Aguilar sa wrestling, Bobby Moran sa soft tennis, Jop Malonso sa vovinam ug Jarry Belo sa curling isip deputy CDMs.
Gisumite sa Philippine Olympic Committee (POC) ngadto sa Thailand SEA Games organizers ang mga ngalan sa mga miyembro sa delegasyon alang sa biennial event nga gikatakda karong Disyembre 9 hangtod 20 ug ipahigayon sa mga probinsya sa Chonburi ug Songkhla.
Kahinumdumang niaging 2023 SEA Games nga gipahigayon sa Cambodia, ang Pilipinas mibutang og 840 ka mga atleta nga midala og kinatibuk-ang 58 ka bulawan, 85 ka silver ug 117 ka bronze medals aron mahuman sa ikalimang puwesto.
via: SPIN
