Gitudlo sa Malacañang si kanhing Philippine National Police Chief Gen. Rodolfo Azurin Jr. isip bag-ong Special Adviser ug Imbestigador sa Independent Commission for Infrastructure (ICI).
Si Azurin maoy mopuli sa pwesto ni Baguio City Mayor Benjamin Magalong. Matod sa Office of the President, magsugod sa iyang katungdanan si Azurin human mahuman ang personal ug administratibong mga kahikayan.
Nagpasalamat ang Palasyo kang Magalong sa iyang kontribusyon sa pagpanalipod sa integridad ug kredibilidad sa ICI.
Kumpiyansa ang administrasyon nga magamit ni Azurin ang iyang kasinatian ug kahanas sa pagpangulo aron mas mapalig-on pa ang mandato sa komisyon sa pagsuporta sa transparency ug responsibilidad sa paggamit sa pondo sa katawhan.
Gikumpirma ni Palace Press Officer Claire Castro nga gidawat na sa Pangulo ang pagluwat ni Magalong isip espesyal nga adviser sa ICI.
Photo Courtesy: Philippine News Agency
