Landig sa balay tambalanan ang usa ka Senior Citizen nga babaye human kini nabanggaan ug single motor sa national highway, Purok 2, Barangay Poblacion, Guipos Zambonga del Sur, niadtong nakalabay nga adlaw. Naila ang biktima nga si “Diomelita”, 60 anyos, ug residente sa lugar.
Sa imbestigasyon sa mga kapulisan sa Guipos, nasayran nga ang biktima nag lakaw kini matabok sa pedestrian lane ug aksidente kining nabanggaan sa single motor Honda Click 125 nga gimaneho ni Jodel, 21 anyos, lumulupyo sa maong lugar.
Human sa maong panghitabo ang biktima nakaangkon ug samad ug bun-og sa nagkadaiyang parte sa kalawasan lakip na sa iyang ulo hinungdan nga dali kining gidala sa balay tambalanan sa syudad sa Pagadian ug padayon pang gitambalan sa mga doctor.
Samtang ang driver nga si Joden nakaangkon usab ug minor injury sa lawas ug gidala usab sa tambalan. Sa karon ang nalambigit nga motorsiklo gidala na sa Guipos Municipal Police Station alang sa documentation ug hustong disposasyon.
