Mokabat sa 119 ka mga loose firearms ang gidugmok ilawom sa Small and Light Weapon (SALW) Program pinaagi sa pagligis sa usa ka pison nga gipahigayon sa Pavillion Hall, PGC, Dao, Pagadian City, lunes, Septyembre 29, 2025.
Kini gihimo atol sa Demilitarization of Surrendered Loose firearms and Scholarship Grant Ceremony nga gipangunahan sa 53rd Infantry Matapat Battalion, 1st Infantry Division Philipine Army. Katambayayong sa kalihokan ang Provincial Government of Zamboanga del Sur sa pagpanguna ni Governor Divina Grace C. Yu kauban ang mga Provincial Board Members.
Nahimong guest of honor speaker si Office of the Presidential Adviser on Peace Reconciliation and Unity (OPAPRU) Secretary Carlito G. Galvez Jr. Sa maong kalihokan mihatag ug message of support sila 1st Infantry Tabak Division Commander MGEN. Yegor Rey Baroquillo Jr., PA ug Commodore Rejard V Marfe, ang District Commander sa PCG Southwesthern Mindanao.
Ang maong inisyatibo pamatuod sa padayon nga pagtinabangay sa mga local nga panggamhanan, komunidad ug mga pwersa sa kasundaluhan aron makunhuran ang mga loose firearms alang sa luwas nga komunidad sa Zamboanga del Sur.
