Natala ang Labing tigulang nga Barbero sa nasud sa japan nga si Shitsui Hakoishi,108 anyos,giila nga “Oldest Female Barber” sa kalibutan human natala sa Guinness World Records.
Sa Sulod sa iyang gamay nga barbershop sa Tochigi Prefecture, si Hakoishi nagkupot gihapon sa gunting nga iyang gigamit sukad sa wala pa ang Ikaduhang Gubat sa Kalibutan. Kahibaloan nga siya Natawo niadtong Nobyembre 10, 1916, sa pamilyang mag-uuma, nahimong siyang barbero sa edad nga 14, anyos nakahukom siya nga mahimong apprentice sa usa ka salon sa Tokyo.
Sa edad nga 18, nakapasar siya sa eksaminasyon aron mahimong usa ka hingpit nga barbero ug dali nga nahimong popular sa mga tindahan nga iyang gitrabahoan. Naminyo siya ni Jiro sa edad nga 24 ug nagbukas sa iyang kaugalingong barbershop. Apan sa wala madugay, ang iyang bana gipadala sa gubat ug wala na mobalik. Atol sa pagpamomba sa US sa Tokyo, nasunog ang iyang balay ug barbershop, apan swerte sila nga nakaikyas human mibakwit balik sa Tochigi.
Niadtong 1953, giablihan pag-usab ni Shitsui ang iyang barbershop, “Rihatsu Hakoishi” sa lungsod sa Nakagawa-machi, diin nagpadayon siya sa pagpaputol sa buhok hangtod karon. Bisan kung gigugol niya ang kadaghanan sa iyang oras sa usa ka balay alang sa mga tigulang, wala niya gibiyaan ang iyang dugay na nga propesyon, diin siya “on-call” kung gusto sa usa ka kliyente nga magpaputol.
Bisan pa sa iyang edad, siya nagsunod sa tulo ka mga prinsipyo sa kinabuhi: ayaw pagdumot, ayaw pagkasina, ug ayaw pakiglalis. Mao kuno kini ang sekreto sa iyang taas nga kinabuhi.
Photo Courtesy: shethepeople.tv
