Napili ang Pilipinas nga mag-host sa 2029 FIVB Women’s Volleyball World Championship, nga gipahibalo ni FIVB president Fabio Azevedo niadtong Domingo sa katapusang adlaw sa 2025 Men’s World Championship sa Mall of Asia Arena.
Kini ang unang higayon nga ang Women’s World Championship pagahimoon sa Pilipinas ug ikaduha sa miaging tulo ka editions nga ang tournament nahimo sa Southeast Asia, human sa Thailand nga nag-host sa 2025 edition. Ang USA ug Canada mag-co-host sa 2027 tournament.
Mismo si legendary Brazilian volleyball player Leila Barros ang nikumpirma nga ang 2029 Women’s Volleyball World Championship pagahimoon sa Pilipinas. Kini maghatag usab sa Alas Pilipinas Women’s team og oportunidad nga makigkompetensya sa global stage batok sa labing maayong teams sa kalibutan.
Ang reigning champion sa tournament mao ang Italy, nga midaug batok sa Turkey sa finals sa 2025, gipangulohan sa mga star players nga sila Paola Egonu, Myriam Sylla, ug Ekaterina Antropova.
SOURCE: vheads volleyball PH
