Ipatuman sa gobyerno sa Pilipinas gikan 75 ngadto sa 99 ka tuig ang lease period sa yuta alang sa mga langyaw nga negosyante aron mas mapalambo ang foreign direct investment (FDI) sa nasod.
Ang desisyon gipahibalo ni Presidente Ferdinand Marcos Jr. atol sa usa ka economic forum sa Manila niadtong nakalabay nga semana. Matud sa Pangulo, ang bag-ong polisiya naghatag ug dugay nga kasigurohan alang sa mga mamohunan, mag-abli og mas dagkong oportunidad sa ekonomiya.
Gilaoman nga pinaagi sa mas taas nga lease period, mas daghang industriya ang motukod og mga planta ug pasilidad sa Pilipinas, ilabina sa sektor sa manufacturing, infrastruktura, ug teknolohiya. Gitagna usab nga daghang trabaho ang mabukas alang sa mga Pilipino.
Bisan pa man, nagpabilin ang kabalaka sa posibleng pagsaka sa presyo sa yuta ug makaapekto kini sa gagmay nga negosyo ug lokal nga komunidad. Gipasabot sa gobyerno nga limitado gihapon ang mga langyaw sa lease ug dili tugotan ang foreign ownership sa yuta sumala sa Konstitusyon.
Ang maong lakang gilauman nga makapalig-on sa Pilipinas isip usa ka kompetitibong destinasyon sa pagpuhunan sa Southeast Asia.
Photo Courtesy to: Adobe stock
