Ni-viral ang usa ka 50-anyos nga lalaki nga si Soya human siya magpaka batan-ong babaye sa social media gamit ang FaceApp. Sa tuig 2021, nibilib ang mga netizens sa iyang mga litrato isip “gwapa nga dalaga” nga nagpose kauban ang motorsiklo.
Apan, nadiskubre sa Japanese TV show nga Getsuyou Kara Yofukashi nga lalaki diay ang luyo sa @azusagakuyuki nga Twitter account. Nakamatikod ang mga netizens sa mga detalye sama sa dako nga bukton ug lahi nga repleksyon sa salamin diha sa iyang motor.
Matod ni Soya, gusto lang siya makadani og atensyon kay mas tagdon daw sa social media ang litrato sa gwapang babaye kaysa sa tigulang nga lalaki. Sa dihang iyang gi-edit ang mga hulagway, nisaka ang likes ngadto sa kapin 1,000 kada post.
Nagpamatuod kini nga ang digital editing dako og epekto sa online identity ug sa paagi sa pagpangita og simpatiya ug pagtagad sa social media.
Photo Courtesy to:nspirement
