Naangkon ni World No. 2 Italy ang ikaduhang sunod-sunod nga titulo human gipildi ang World No. 9 Bulgaria, 25-21, 25-17, 17-25, 25-10, alang sa gold medal sa 2025 FIVB Volleyball Men’s World Championship kagahapon didto sa Mall of Asia Arena sa Pasay City.
Si Yuri Romano miiskor og 22 puntos gikan sa 16 ka atake, lima ka service aces ug usa ka block sa dihang ang mga Italyano misakmit og sunodsunod nga titulo atubangan sa 16,429 ka mga fans.
Si Mattia Bottolo niamot og 18 puntos samtang nihatag og 11 puntos si Alessandro Michieletto ug ang setter nga si Simone Giannelli nilista og 35 ka excellent sets.
Kini ang ikalima nga bulawan alang sa Italy, nga nakadaog kaniadtong 1990, 1994, 1998 ug 2022 sa ilawom sa unom ka beses nga kampeon sa Soviet Union kaniadtong 1949, 1952, 1960, 1962, 1978 ug 1982.
Gipangulohan ni Aleksandar Nikolov ang Bulgarians sa iyang 23 puntos ug ang iyang manghod nga si Simeon adunay 32 ka ekselenteng set.
Human sa malampusong pag-host sa 2025 Men’s World Championship, ang Pilipinas sunod nga mo-host sa 2029 Women’s World Championship.
Kini ang gipahibalo ni FIVB president Fabio Azevedo ug kanhi superstar ug karon Brazilian Senator Leila Barros
via: FIVB
