Igo na lamang sa pagmahay ang usa ka 16-anyos nga lalaking Chinese nga si Huang human kini nagpasesyon sa pagpatambal sa iyang lawas pinaagi sa pagpataas sa iyang height ug migasto sa kantidad nga16,700 yuan o (PHP136,390.64) ka pesos.
Human sa unom ka bulan nga pagpatambal, migawas ang resulta niini diin siya mitaas ug 1.4 centimeters, apan sa duha ka semana nga milabay nibalik siya sa iyang orihinal nga gitas-on.
Nasayran nga si Huang nagsugod sa pagtambal niadtong Pebrero hangtod Agosto sa usa ka wala na gipanganlan nga ospital sa Xiamen, lalawigan sa Fujian, diin gikataho nga dili usab kwalipikado ang ospital sa paghimo sa maong operasyon.
Tungod sa insidente, mireklamo ang amahan sa bata sa maong hospital ug gi-refund na lang niini ang nagasto. Sa pikas bahin, usa ka kawani ang miingon nga taas na sa edad si Huang aron sa pagpatambal.
Photo for illustration credits to:ISTOCK
