Temporaryong karon nga gipahunong ang sports nga boksing sa Ghana human sa kamatayon sa boksidor nga si Ernest Akushey, mas nailhan sa iyang ngalan nga Bahubali, onse ka adlaw human siya naospital nga adunay grabeng mga samad nga naangkon sa away.
Si Akushey, 32, naangol human sa iyang away ni Jacob Dickson niadtong Septiyembre 12 sa Bukom Boxing Arena sa Accra.
Ang mga taho nagsugyot nga ang hinungdan sa iyang kamatayon mao ang internal nga samad sa ulo, bisan pa ang opisyal nga mga resulta gipaabot.
Sa usa ka pamahayag, ang National Sports Authority (NSA) sa Ghana miingon nga ang pagsuspenso sa mga boxing events usa ka lakang aron mapanalipdan ang kaluwasan sa mga atleta ug mamentinar ang integridad sa sport.
Kini ang ikaduhang higayon karong tuiga nga adunay usa ka boksidor nga namatay sa Ghana. Niadtong Marso, namatay usab si Gabriel Oluwasegun Olanrewaju human sa away.
Pagkahuman sa insidente, daghang mga grupo ang nanawagan alang sa mas taas nga mga sumbanan sa medikal nga clearance, kaluwasan sa ringside, ug pagmonitor sa post-fight aron malikayan ang mga trahedya sa umaabot.
Ang temporaryong pagdili gipaabot nga molungtad samtang ang imbestigasyon ug pagrepaso sa safety protocols alang sa boxing events sa nasod.
via: THE MIRROR
