Nagpadayon sa ilang preparasyon ang NorthPort Batang Pier para sa PBA Season 50 bisan pa nga hapit na makompleto ang pagbaligya sa ilang prangkisa ngadto sa Pureblends Corporation. Sumala ni Commissioner Willie Marcial, dili pa magamit sa team ang ilang opisyal nga jersey samtang pending ang transaksiyon, ug posible nga lahi na ang ilang ngalan sa liga karong golden season.
Si Calvin Abueva, nga giila nga lider sa grupo, miingon nga bisan bag-o ang daghang miyembro, nagsugod na sila og tune-up games ug nagkadugang ang ilang teamwork ubos sa bag-ong head coach nga si Johnedel Cardel. Giingon niya nga bisan lisod ang adjustment, maayo ang ilang sistema ug nagkadugtong na ang chemistry sa team.
Tungod sa dagkong kausaban, gamay ra ang nabilin gikan sa karaang line-up. Busa, si Abueva ug Joshua Munzon ang gisaligan nga modala sa batan-ong team. Matod pa ni Abueva, ilang gina-tambagan ang mga rookie aron masabtan ang ilang papel ug andam sa kompetisyon.
Nagpasalig si Abueva nga buhaton niya ang tanan aron makahatag og kadaugan sa team sa pagsugod sa bag-ong season, bisan pa sa uncertainty nga dala sa kausaban sa management ug team identity.
Photo courtesy to: Remate
